1985.
urtean Mitxel Sarasketa eta Joseba Sarrionandiak HAMAIRU ATE bilduma kaleratu
zuten, kartzelan zirelarik itzulitako testuekin. Bilduma hontan zenbait
idazleen testuak ageri dira, denak umore beltzaren bilduma gisa.
Emanaldi
hontan bi egileen presentzia izanen dugu, modu batez edo bertzez, eta testuen
irakurraldia eginen dugu (H)ILBELTZAko kideek. Hamahiru egile daude, hamaika
irakurriko ditugu, ate bakarrean bilduko ditugunak.
Ez
dakit nork esan zuen, baina egia da, umorea desesperatuaren kortesia dela.
Horregatik, umorerik egiazkoena beltza da. Umore beltzean irribarreaz gainera
badago mistizismo bat, baina ez mistizismo dultze eta zerutiar bat, umoristak
izatez infernutarrak baitira.