Baztango Udalak
Amaiurko Txiskeñako iturburutik ur-biltegirako hoditegia berritzeko eta
Iruritako edateko uraren hornidura hobetzeko proiektuak idatzi eta ondotik
lanak zuzentzeko lanak eman berri ditu. Amaiurko kasuan gainera ur-biltegitik
gaineko aldera dauden baserrietarako sarea hobetzeko proiektua ere idatzi
beharko du. Bi proiektuen idazketa eta zuzendaritza lanak LKSri eman dizkio
udalak, jasotako eskaintzen artean hoberenak izan direlako. Amaiurkoa 13.800
eurotan idatzi eta zuzendu beharko du eta Iruritakoa 10.500tan, bietan BEZ kanpo.
Behin proiektua
idatzita Amaiurko lanak aurten egin beharko dira eta Iruritakoak berriz 2018an.
Lehenaren exekuzio aurrekontua 180.000 eurokoa da eta Iruritakoarena 240.000koa.
Bi lan hauek Toki Inbertsio Planaren laguntza jasoko dute, %80koa hain zuzen.
Oraino argitzeko dagoena, berriz, Amaiurko ur-biltegitik baserrietarako sarea
hotzeko laguntzik emanen ote duten da, bertzenaz udalak osorik bere gain hartu
beharko du.