Elizondon egiten den Piriniotar arrazako behien txapelketak
30 urte betetzen dituela-eta, Baztango Udalak eta Aspinak, urtebetzea ospatzeko
Ameskoan dagoen Iñigez anaien Zudaireko behitegirat bistaldia antolatu zuten
atzo. Iñigeztarren behitegiaren berezitasuna behitegi guztia intseminazio artifilizarekin
eramaten dutela da, zezenik gabe; horrek, genetika hobe kontrolatzeko aukera
ematen die.
Atzo egindako bisitaldian berrogeita hamabortz nakezarik parte
hartu zuten. Goizeko 8tan Elizondoko plazatik abiatu eta Zudairerat joan ziren.
Bertan Iñigiztarrekin, INTIA eta Aspinako teknikariekin ustiategia eta lana
egiteko moduak ezagutu ahal izan zituzten. Denera piriniotar arrazako 300 buru
dituzte, horietarik 200 behiak eta gainerakoak aratxeak eta migak. Estentsiboan
lana egiten dute nahiz intseminatzeko aldian behiak behitegian kontu. Behiak ernari direlarik belairat igortzen dituzte.
Horretarako etxaldean inguruko belaiak ibiltzen dituzte eta udal aldean
Urbasako larreak. Gainerakoan behi erdi berriak eta aratxe sortu berriak
barnean kontzen dituzte eta egunean bi aldiz errapea ematen diete. Baztanen,
erditu orduko behia eta aratxe kanporat igortzen dituzte. Gaur egun
Iñigiztarren behitegiak hiru laguni lana ematen die.
Behitegia bisitatu ondotik Urbasarat hurbildu ziren bertako
larreak eta behiak alhatzen dituzten tokiak ikustera. Bazkalondoan etxerat
itzuli ziren.