"BARATZE HEZITZAILEA" PROIEKTUA MARTXAN

Atzotik eta bigarren urtez jarraian,  Elizondoko Herriak utzi duen lur sail batean baratze bat lantzen hasiko dira herriko bi ikastetxeetako hainbat haur Udaletxeko langile eta teknikarien laguntzaz.


Proiektu honetan Elizondoko Eskolako 2. mailako eta Baztan Ikastolako  4. mailako gelek parte hartuko dute, 34 haur, 2 maistra eta laguntzeko prest leudeken guraso guztiak.

Jarduera hezitzaile honen bitartez auzolana, elkar trukea, natura eta ingurugiroa, aitatxi-amatxien ezagutzak, hondakinen kudeaketa eta konposta, herriko azoka eta gure ingurune hurbilari loturiko bertze hainbat eduki pedagogiko interesgarri landuko dira.

Lehen ekintza atzo burutu zen, goizeko 9:45etan, bi gelak elkarrekin baratzera joan eta bertan Baztango Udaleko zabor teknikariak konpostaren inguruko saio bat eman zuen, baratzearen banaketa  egin da eta merkatua ezagutzera joan ziren. Hemendik aitzin, gela bakoitza 15ean behin joango da. 

Bi gelen arteko hitzarmena sinatu zuten atzo, batak bertzearen baratzea zainduko du joaten ez diren aste horretan.