LEKAROZKO BATZARRAK BEREA EGIN DU ALKATEAREN KONTRA EGINDAKO SALAKETA

Lekarozko herriko batzarrak joan den ortziralean eginiko bilkuran Aroztegiako proiektuaren inguruan Baztan mailako herri galdeketa abiarazteko prentsaurrekoan egindako adierazpenen ondorioz salaketa jaso duten 7 Baztandarrei beren elkartasun osoa adierazi zien. Herriko batzarreak berea egin zuen Lekarozko alkatearen gaineko salaketa, erran zenez, alkateak herria ordezkatzen bait zuen prentsaurreko hartan.


Aroztegiako proiektu urbanistikoaren kontrako jarrera agertzen duten herritarrak jasaten ari diren jazarpena nabaria izaten ari da azken aldian, adierazpen askatasunaren aurkako eraso zuzenen lekuko izaten ari garelarik.