EKAINAREN 4an GARBIKETA AUZOLANAK HERRI GUZIETAN


Baztanen ditugun eta gure ondare eta altxor diren herri lurrak garbi mantentzeko plana paratu zuen martxan Baztango Batzar Nagusiak. Herri lurretan metatua dugun zaborra edota zabortegi klandestinoak garbitzeko deialdia egin du.

Heldu den ekainaren 5ean ingurumenaren eguna dela aitzakiatzat hartuz, ekainaren 4an larunbataherri guztietan GARBIKETA AUZOLANAK eginen dituguGoizeko 9etan herrietako plazetan (bakoitza bere herrian) elkartuko gara eta hemendik herri bakoitzak erabakia izanen duen puntua edo puntuak garbitzeari ekingo diogu. (Xoko konkretuak, herri inguruak, erreka bazterrak...)

Ekintza honen helburua bikoitza da: alde batetik, erran bezala gure bazterrak garbitu nahi ditugu baino hau baino aise garrantzitsuagoa ikusten dugu jendea sentsibilizatzea eta etorkizun hurbil batean ingurumenari egiten dizkiogun eraso hauek murriztea. Hala bada, arras garrantzitsua da perezak utzi eta garbiketa honetan ahalik eta jende gehien elkartzea eta egiten dugunaren berri ematea.