ATZO OINEZ GAILURRA 2015 AURKEZTU ZUTEN IRUÑEAN

Iosune Ortegak, Baztan Ikastolako zuzendariak, eta Ramontxo Garmendiak, Oinez Gailurra taldeko kideak, OINEZ GAILURRA 2015 proiektua aurkeztu zuten atzo Iruñean, Nafarroako Ikastolen Elkarteko Marta Igoarekin batean.

Nafarroa Oinezek antolatutako ekitaldien harirat Zangozako talde batek iaz paratu zuen abian OINEZ GAILURRA, mendizaletasuna euskararekin bat egitea xede eta Baztanek segida emanen dio proiektuari. Baztanen 15 ibilaldi antolatu dituzte hortarako, herri bakoitzeko bat, eta mendi horiek sinbolikoki babestean datza ekimena.