ISUN UHOLDEARI AITZIN EGITEKO NAFARROA MAILAKO BATZARRA

Data:
  • NOIZ: Azaroaren 15a, larunbata
  • NON: Iruñeako Alegria peñan
Azken urte hauetan eta batik bat azken urte honetan, Nafarroako hainbat herritarrek isun uholdea jaso dute kalean protesta egin eta mobilizatzeagatik. (elkarretaratzeak, prentsaurrekoak edo eta batzar informatiboak egiteagatik)
Milaka eta milaka eurokoa da herritar guztien artean pagatu beharreko diru kopurua, isunak 300 eurotik 6000 euro tartekoak direlarik.
Isun hauek herri honek pairatzen dituen eskubide urraketak salatu,herritar bezala ditugun eskubideak aldarrikatu, eta orokorrean kalean protesta egiten duen eta beren gustukoa ez den ororen kontrako zigorrak dira.Herri honek jasaten duen errepresioaren bertze adierazgarri bat.
Bizi dugun krisi egoera honetan hauxe da jendea izutu, odolustu eta azkenean protestarik ez egiteko eta  kaleak usteko  erabiltzen duten bertze arma isil eta mingarrietako bat.
Baztanen ere, urteak daramatzagu elkarretaratzetan, batzarretan e.a parte hartzeagatik isunak jasotzen, gehienetan isunduak diren pertsonak berberak izanik eta gainera, anitzetan identifikatu gabe isunduak.
Urte hauetan jasan diren isun guztien artean 20.000 euro inguru ordaindu behar izan da, eta nahiz eta ekintza batzuk burutu diren dirua lortzeko, oraindik ere, anitz dago ateratzeke.
Hortaz, Nafarrok bizi dugun eskubide zibilen kontrako egoera hau salatzeko, Albari behingoagatik aski dela errateko eta kalean protesta egiteko eskubidea aldarrikatzeko,  Nafarroa mailan lanean ariko den talde berri bat sortu da, KALEA DENONA DA izenekoa. Bertan Nafarroako herri guztietan isunduak izan diren pertsonek eta kolektibo ezberdinek parte hartzen dute.
Ekimen honen nondik norakoak aurkezteko, larunbata honetan "Alegria Peñan" goizeko 10:00etan batzarra eginen da, eta ondotik 12:00etan Gaztelu Plazatik mobilizazio bat aterako da.
Bertzerik gabe, Baztango herritarrak baztar hontan eta Baztanen eginen diren ekimenetan parte hartzerat konbidatzen dituzte.
ESKUBIDE ZIBILEN KONTRAKO ERASORIK EZ!  
    KALEA DENONA DA!