Prentsa ohar baten bidez atzo Baztandarren Biltzarraren besta egunean gertatutako erasoak eta irainak salatu ditu. Hauxe dio hitzez-hitz:
Plazara
Dantzara taldeak Baztandarren Biltzarra egunean izandako gertaerak salatu nahi
ditu:
-Lehenik
eta behin salatu nahi dugu Baztandarren Biltzarra egunean Mutildantza
diskriminatzailea antolatu izana. Plazan Mutildantza parekidea dantzatzen ari
zen bitartean herritar talde batek Mutildantza diskriminatzailea antolatu zuen
Ziga plazan eta hori burutzen saiatu
zen. Hortik Mendi ostatu ondora joan ziren dantzatzera.
-Emakumeen
kontrako diskriminazioa gelditzeko asmoarekin emakume talde bat dantzara sartu
zen. Honen ondorioz, gizon talde honek ez zuen bere ekintza diskriminatzailea
burutzea lortu.
-Momentu
horretan gizonezko batzuk oldartu ziren eta emakumeak iraintzen eta mehatxatzen
hasi ziren. Irain sexistak eta xenofoboak entzun ziren. Zeudenen artean, emakume bati zuzenean “Te metería una hostia” erran zion bi aldiz eta honek buelta eman
zuenean, beldurtuta eta bere burua arriskuan ikusten zuen bitartean “Te metería una estaca por el culo”
entzun zen.
-Plazara Dantzarak
gogor salatu nahi ditu gertaera hauek eta argi utzi nahi du, mehatxu guztien
gainetik, lanean segituko duela plaza
eta herri parekideak lortu arte. Horrelako jarrera diskriminatzaile eta
faxistak ez ditugu onartuko herri honetan. Baztango eremu publiko guztietan
egongo gara emakumeen eskubideak bermatzen eta eraso sexista guztiak salatzen.
Argi utzi nahi dugu hemendik aitzin epaitegietara joko dugula salaketa
guztiekin.