BIZITOKI PROIEKTUAREN INGURUKO SOLASALDIA INTERESGARRIA IZAN ZEN GAZTETXEAN

BIZI TOKI proiketuak hezkuntza ereduaren alternatiba praktikara eramatea du helburu eta joan den ortziralean horren nondik norakoak azaldu zituen gaztetxean bertako kidea den Gorka Torrek. 18 lagun inguru elkartu ziren hango funzionamenduaren berri ezagutzeko.
Behazuneko baserri batean kokatua dago eta duela 5 urte hasi zuten hausnarketa prozesua eta hiru urte da martxan jarri zutela. Adin guztietako eta Euskal Herriko leku desberdinetako 15 lagun inguru daude lanean gaur egun. 
Bizi tokirentzat egungo eskola kapitalismoaren beharretarat moldatua izan da eta beraz eskolaren kontzeptua gainditu behar duen eredua bilatzen dute.  Eskola bizi sozialetik banatua dagoen eta instituzioen esku dagoen jarduera bat bezala ikusten dute. 
Historikoki haurren hezkuntza komunitatearen esku egon da, beraz haurren hezkuntza sistema instituzional eta delegatu baten esku uztearen aurka agertzen dira Bizi Tokin. Gure haurren hezkuntza gure esku dagoen heinean geronen ardura behar lukee. Gure baloreak eta bizitzari eman nahi diogun zentzuaren trasmisioa komunitatearen ardura da.

Bizi Tokiko balore batzuk:
  • Euskaraz bizi: euskaraz aritzeko eta ez dakienak ikasteko konpromisoa dago bertan.
  • Autonomia ekonomikoa: ahal den heinean elikadura burujabetza izateko lana egiten dute. Baratza... bertako haziaren garrantziaren transmisioa, sendagaien arloa....
  • Ibilbide horizontal zirkularra
  • Kolektibotasuna
  • Naturarekin orekan bizi
  • Pentsamolde kritikoa bizi

EGUNEROKOA GAINETIK
Etxean arau eta ordutegi komun batzuk daude.
Goizero inguru minguru: partaide guzien hartean egiten den bilkura, ondotik idazteko irakurtzeko eta kalkulua praktikan jartzeko txokoan egoten dira.
Arratsaldean baratza, kantagintza, jarduera fisikoa, joko gela, etxearen zaharberritzea, marrazkilaritza, dantza... normalean bi jarduera batean ez dira egiten, haurraren arreta erakartzeko asmoz.
Astearte gauetan bilkura egiten da: antolaketa, jarduerak, komunikazioa, metodologiak... 
Gomendatutako zenbaitzu liburu.
  • La bala y la escuela
  • El educador mercenario
  • Nunca fue a la escuela