2016/06/25

BAZTANGO UDALAK 2015EKO GERAKINAREKIN 364.000 EUROKO INBERTSIOAK EGINEN DITU

Baztango udalak ortzegun atsaldean egin zuen ohiko osoko bilkuran 2015eko kontuen likidazioaren gerakin edo erremanentea oinarri harturik hainbat inbertsio egitea onartu zuen, denera, 364.000 euroko inbertsioa. Horretarako, atzoko saioan, proiektu horiek egin ahal izateko, dagokion aurrekontu aldaketa egitea onartu zen. Hala, EH Bildu eta Ezkerrak osatzen duten gobernu taldearen proposamenak Geroa Bai eta Auzolanean babesa izan zuen (denera 9 bozka); UPNeko hiru zinegotziek abstentziorat jo zuten. Aurrekontuen aldaketa onarturik hamabortz egunez jendeen aitzinean egon beharko dute eta ondotik indarra hartuko dute. Azpiko taulan inbertsioen nondik norakoa heldu da.


Zahar etxeko sukaldea
19.000
Zahar etxeko inbertsio plana
3.000
Lekarozko eskola
27.000
Gartzaingo eskola
30.000
Brea
130.000
Almandoz U.E.
22.000
Elizetxe desjabetza
15.000
Turismoa  webgunea
2.500
Turismoa planoak
3.500




Igerilekuko toldoa
11.000
Hiltegia
7.000
Kiroldegiko aldagelak
37.500
Askak
14.000
Gorostapolo
        42.500
DENERA
364.000





















2016/06/23

BAZTANGO ESKOLETAKO JANGELETATIK TOKIKO EKONOMIAN ERAGITEN


Atzoko atsalde bereziki bero eta sapan Elizondoko Arizkuneneako sabaian  Baztango eskoletako jantokiei buruz aritu ziren. Hitzorduak “Eskoletako jangeletan zer jan, halako Baztan” izenburua zuen eta antolatzailea Baztango udala zen. Joseba Otondo alkateak ongietorria eman eta elikadurak politika publikoetan eta tokiko ekonomian eduki beharrezko garrantzia azpimarratu zuen. Ondotik, Laura Andresena gizarte zerbitzuetako teknikariak Baztango eskoletako jantokiei buruz egindako azterketa aurkeztu zuen. Jantokia duten eskolak Amaiur, Arizkun, Erratzu, Elizondoko eskola, Baztan ikastola, Haur eskola eta Irurita dira. Eskolaz eskola datu xeheak eman zituen eta bilketaren emaitza gisa Baztanen eskoletako jantokietan egunero 392 oturdu ematen direla erran zuen, banaz bertze 4,47 euroan eta denera ikasturtean 220.000 euro inguru mugitzen direla. Halaber, kontratu mota desberdinekin, lan-aldi erdikoak eta ordukakoak denera 23 sukaldari eta zaintzaile daude. Eskoletako batzuk zerbitzua catering bidez ematen dute.

Nora Salbotx Amaiurko eskolako zuzendariak beren esperientziaren berri eman zuen. Hogei eta hamabortz urte dira eskolan sukaldea eta jantokia dutena. Bertan sukaldatzen dute eta erosketak Baztanen egiten dituzte, horretarako hornitzaileen eta bertako ekoizleen zerrenda erabiltzen dute. Jantokia hezkuntza proiektuaren barnean txertaturik dute, horregatik, jantokiaz baino jangelaz mintzo dira. Akitzeko Miren Meoki udaleko hondakin teknikariak Bizkaiko Larrabetzuko esperientziaren berri eman zuen. Larrabetzun jangela guraso elkartearen esku dago eta Eusko Jaurlaritzak ezarritako catering sisteman sartu nahi izan ez zutenez, ez dute laguntzik izaten.  Eskolako jangela osasun, hezkuntza eta tokiko ekonomia ikuspegitik lantzen dute eta horren emaitza bezala, jangela gastuaren %65 herrian gelditzen da.

Aurkezpenen ondotik harat hurbildutakoen artean Baztango eskoletako jantokiak jangela bihurtu eta tokiko ekonomia indartzeko eztabaida interesgarria egin zen. Iraila etortzekin ekimenari segida emanen diote. Helburua, bertzeren artean, eskoletako jangelek mugitzen duten ekonomiaren zati gehiena Baztanen gelditzea litzateke.



2016/06/22

GAUR ORTZEGUNA, KONZENTRAZIOA ARIZKUNGO PLAZAN

Emakume bat erail du  gizon batek Gasteizen. Zadorra ibaian topatu dute bere gorpua, gizonak emakumea hil eta bertara bota zuela onartu eta gero.
Angelun berriz emaztea eta bi alaba hil ditu bertze batek.

Hau salatzeko konzentrazioa izanen da bihar Arizkunen

  • NOIZ: EKAINAREN 23a, ortzeguna, 20:00etan
  • NON: Arizkungo plazan


BIHAR KONTZERTUAK ARIZKUNEN


2016/06/18

GAUR ATSALDEKO 6etan EKITALDIA

Gaur atsaldeko 6etan Elizondoko plazan ekitaldia eginen du EH Bilduk (euria egiten dabu merkatuko palzan). Zerrendaburu den Bakartxo Ruiz eta zerrendakidea den Joseba Otondok parte hartuko dute.

Iñigo Iturria eta Iban Dufurrenak musika zuzenean eskeiniko dute eta gazteek parte hartuko dute ekitaldian.

Ondotik sagardo kupela eta pintxoekin hurbiltzen direnek elkarrekin ratoxka bat pasatzeko aukera izanen dute.




2016/06/16

DISPERTSIOAREN KONTRAKO MANIFESTAZIOA IGANDEAN


ESKOLETAKO JANGELETAKO DIAGNOSIA MAHAI INGURU BATEAN AURKEZTUKO DU UDALAK

"Zer jan, halako Baztan” proiektuaren barnean, Baztango Udalak eskoletako jangelen inguruko diagnosia egin du. Hau ezagutzera emateko, ekainaren 22an arratsaldeko 17:00etan Arizkuneneako hirugarren solairuko hitzaldi aretoan, hitzaldi-mahai inguru bat antolatu du.


2016/06/10

GAUR KARTEL PEGATZEA ELIZONDON BARNA


JOSEBA ARANIBAR, BERAKO PRESOA, LIBRE

2007ko uztailaren 2an atxilotu zuten Donibane Garazin eta zazpi urte geroago Espainiaratu egin zutenHerrerako espetxean zegoen preso, ebazpenaren esperoan otsaletik. Espainiako Auzitegi Nazionalak behin behineko askatasuna ematea erabaki zue atzo eta libre gelditu da epaiketaren esperoan.
Senide eta lagunek ongi-etorria egin zioten Beran atzo gauerdian.

2016/06/09

BAZTANGO EH BILDUK AROZTEGIARI BURUZKO BALORAZIOA EGIN DU

Prentsa ohar batean halaxe adierazi du: 

Nafarroako Gobernuak eta Aroztegiako sustatzaileek herritarrei hitza ez emateko egindako eginahal guztien aitzinean, igandeko galdeketa Baztango erakundeen eta herritarren lorpen handia da. Hortaz, Batzar Nagusiak galdeketa egin ahal izateak eta hala nahi izan zuten herritar guztiek parte hartzeak sekulako balio politikoa du.

Gobernuko adierazpen harroei, Geroa Baiko eta UPNeko talde parlamentarioetako erran zabar eta probokatzaileei buruz, komeni da mespretxuz mozorrotutako beren autoritarismoa salatzea eta herri galdeketa hau bere testuinguruan baloratzea. Normalena, guttieneko kultura demokratikoa dagoen tokietan, herritarrei beraiengan eragin handia izanen duten proiektuez aitzinetik galdegitea da. Kasu honetan, enpresa sustatzaileak eta Nafarroako Gobernuak PSIS onartu aitzinetik ez zuten halakorik egin. Aldaketakoa omen den Geroa Bairen Gobernuak ukatu die Lekaroz eta Baztango herritarrei parte hartzeko aukera, UPNk bezal bezalaxe.

Horren aitzinean Baztandarrek eta Batzar Nagusiak herritarren erabaki ahalmena aldarrikatzeko herri-galdeketa ez erreferendarioa eta ez loteslea egin behar izan dute bailaran lehendabiziko aldiz. Baldintza horietan eta gobernuko ordezkari desberdinek PSIS onartua dagoela, gibelarat bueltarik ez dagoela eta balizko galdeketa legez kanpokoa litzakeela behin eta berriz erranagatik, igandean baztandarren hirutik batek bere iritzia libre eta burujabeki adierazi zuen. Eta gehiengo handiak, proiektuaren kontrako bozka eman zuen. Hori ikusi nahi ez duen ordezkari politikoak bere bulegoko paretetatik haratago ikusten ez duen burokrata elitista da.

2016/06/08

IGANDEAN MERKATUA ITURENEN

Igandean azoka izanen da Iturenen. 

Azokaz gain hiru ekitaldi gehiago izanen dira oraingo honetan:

  • 12'00etan:  LABE mugikorra: pizza prestaketa eta dastatzea
  • 12'30etan: ARTE-EGUZKILORE tailerra Arantxa Arratibelen eskutik
  • 13'30etan: TOKA txapelketa

BAZTANEN OINARRIZKO AZPIEGITURAK KONPONTZEN ARITU DIRA




Azkeneko asteetan eguraldiaren laguntzarekin Baztanen hainbat lan egin dira. Alde batetik herri eta auzo batzuetarako bideak breaztatu dira, horien artean errepide nagusitik Zozaiarako bidea, Zigako herrirakoa eta Azpilkuetako Zuaztoirakoa. Zuaztoiko bidean areka edo kunetak ere egin dira

Bertzalde, Bagorditik Orabideko errepidean autoak eta kamioiak gurutzatu ahal izateko hamaika zabalgune ireki dira, horrek franko estua den bide horretan aisago ibiltzea ekarriko du. Modu berean, Beartzungo Urruxkako bidean ere konponketa batzuk egin dira eta Lekarozko Balengo Berri alderdian Etxekako zubia ere konpondu da. Halaber, Oharrizen, arraildurik zegoen zubia konpondu da. 

Gainerakoan hilabete hondarrean 2014ko uberroek hondatutako Halti Bentako bidea konpontzen hasiko da eta Karakotx-Parisenea, Xixperriko borda eta Uheneko bordako bideak ere bai.




ETXEZ ETXEKO LANGILEEN LAN POLTSARAKO DEIALDIA EGIN DU UDALAK

Etxez etxeko langileen lan poltsa osatu nahi du udalak eta  deialdian parte hartu nahi duenak ortzirala baino lehen aurkeztu beharko du bere izena. Eskarmentua eta formakuntza kontutan hartuko dituzte, eta hauxe d aaurkeztu beharrekoa:

  • Eskaera orria (Udalean betetzeko)
  • Nortasun agiria eta gidatzekoa 
  • Eskatzen diren titulazioen ziurtagiriak
  • baliarazi nahi diren merezimenduak

Protokoloa hemen

2016/06/07

410 GAZTE KATEATU ZIREN PRESO ETA IHESLARIEN ALDE. ORAIN AILEGATU ZAIE ISUNA 37ei: 22.000 €

"BESTETAN ERRESPETUZ BIZI GARA" KANPAINA PARATU DU MARTXAN BERDINTASUN BATZORDEAK


Azkeneko 4 urteetan bezala, Baztango Udalak herrietako bestetan indarkeria sexista desagerraraztea helburu duen kanpaina paratu du martxan. Emakumeen kontrako indarkeriarekin akitzea denen ardura da eta eman nahi ditugun aldaketak gure herriko aisialdi eremuetan eta herriko bestetan isla izan behar dute.

Aitzineko urteetan besta komisioek bat egin izan dute "Eta jaietan zer? Jaietan errespetuz bizi gara" kanpainarekin, kartelean logoa txertatuz eta kartelak edo euskarriak zabalduz. Aurten kanpaina bertze ekintzekin osatu nahi izan dute:

  • · Ezetza beti da ezetz lemarekin logoa txertatu karteletan 
  • · "Indarkeria sexistaren aurkako gida" bat argitaratu du udalak gazteen artean banatzeko
  • · Baztango Ostatuetan eraso sexisten kontrako kanpaina "Karrikak eta gauak denenak! Bestetan errespetuz bizi gara. Eraso sexistarik ez!" kartelekin
  • · Indarkeria sexistarik gabeko gunea  jarriko du Udalak Baztandarren Biltzarrean eta Elizondoko bestetan. 
Informazio gehiago hemen
Baztango Udala herriko bestak erasorik gabeko guneak izan daitezen lanean ari da eta indarkeria sexistaren aitzinean jarrera aktiboa izateko deia luzatu nahi die herritarrei. "Baztandar guztien ardura da horrelako jokabideak ez onartzea eta bestak berdintasunean bizitzeko deia egin nahi dugu. KARRIKAK ETA GAUAK DENENAK DIRELAKO, BESTETAN ere ERRESPETUZ BIZI GARA.

2016/06/06

HERRI GALDEKETARI BURUZKO BALORAZIOAK: PROIEKTUAK EZIN DU AITZIN EGIN

Herri galdeketaren ondotik, Aroztegia eta gero zer? plataformak bere balorazioa egin zuen egun berean. gaur Joseba Otondo Baztango alkateak eta Miren Meoki Lekarozko alkateak beren balorazioa egin dute Xorroxin irratian egindako elkarrizketetan:


ETXAUZIA: EUSKALDUN BAT EURO BAT

AROZTEGIA ETA GERO ZER PLATAFORMAREN BALORAZIOA

Gaur Baztanen Aroztegiari buruz egin den herri galdeketaren inguruan balorazio positiboa egiten dugu. Baztanek argi eta garbi erran dio ezetz Aroztegiako proiektu urbanistiko espekulatzaileari, ezetz erran dio inposizioari eta ezetz erran dio herri lurren ebaskoari. Ezetz erran dio landa eremua metropoli edo hiri handien zerbitzura jartzeari. Ezetz erran dio baztandarren artean pribilegioak sortzeari. Gaurko ariketak nabarmen uzten du baztandarrok bizi dugun gatazka soziala. 1.707 lagunek parte hartu dute, erroldaren %28ak eta horietatik %82,8 proiektuari ezezkoa eman dio. Honen aitzinean, Geroa Baiko gobernuak ezin du baztandarron aldarrikapenari bizkarra ematen segitu. 

Kultura demokratikoaren inguruan Baztan mailan egin den lehenbiziko herri galdeketa izanik, gabeziak ere sumatu ditugu prozesu honetan. Espero dugu etorkizunean herritar gehiagok sentitzea horrelako prozesuetan parte hartzearen beharra eta garrantzia. Aldi berean, salatu nahi dugu herri galdeketaren parte hartzearen kontra egindako kanpaina. Beldurra, mehatxuak eta galdeketaren zilegitasuna kolokan jarri nahi izan duten arren, zorionak parte hartu duzuen baztandar guztiei.

Honekin guztiarekin garbi gelditu da plataformak hasieratik erran duena. Hau da, Aroztegiako UGPSaren tramitazioa iruzurra izan dela. Izan ere, agerian gelditu da berriz ere, inposizioa eta iruzurraren bidetik eraman dela proiektu hau hasieratik bukaera arte. Beraz Geroa Baiko gobernuak ez ditu aitzakia gehiago erabiltzen ahal, eta bertan behera utzi behar du Aroztegia UGPSa.

Herriaren da hitza eta herriarena izan da erabakia!

2016/06/05

BAZTANEK EZ ERRAN DIO AROZTEGIAKO PROIEKTU URBANISTIKOARI



Baztango Batzar Nagusiaren deiari erantzunez, lehen aldiz gure historian, herri galdeketa bitartez erabaki dugu  etorkizuna baldintzatuko ligukeen proiektu bati buruz.
Baztandarrok ezezko borobila eman diogu Aroztegiako proiektu urbanistikoari. Zorionak Baztan!!